Cante de Gascougne

  • Par boyvil
  • Le 08/01/2017
  • Commentaires (0)

Cante de Gascougne

Dous terrès dou Biarn aus terrès de Bigorre,
De la lana sablude à la mountagne ou torre,
Un bén nabèt, passan per catsus lou branoun,
Tourne ha reberdi lou bielh parla gascoun.
Que souy lou hilh de la Gascougne;
De me-n banta n'èy pas bergougne.

Canta 2

A tout de boun
Que souy Gascoun !
Terre de brane,
Terre mayrane
Que-t aymerey
Tant qui biurey.

Lou parsan dou Biarn qu'a de bères campagnes.
Oun trebuquen au cèu de mey bères mountagnes ?
En quine aygue mey clare un brabe perquedou
Gahe de mey boun péch qu'au Gabe ou qu'a l'Asou ?

Près dou sable oun lou pin lagagnous e s'aquilhe,
La ma, la grane hole, én brama que-s bouquilhe,
E sou lou Lanusquet a la jeme dou pin,
Armagnac, Juransoun, Chalosse an de boun bin.

Qu'am lou cèu nete e blu coum lou cèu d'Italie,
E nat peys n'estou tan aymat de Marie.
Sou tucn s'ou sable nud coum s'ou bord de l'arriu,
Qu'abem l'arrisoulet de la may dou boun Diu.

Gleyse de Betarram, caperade de lose,
Que pots balha la man à Maylis, à Buglose;
N'a pas mey de trente ans, Bernadette à jenous
Dab la may dou boun Diu parla gascoun coum nous.

Un cop ère, l'Anglès estrégnèbe la France,
Equissan nouste aunou dab lou talh de la lance.
Per buscarra l'Anglès tuman coum un moutoun,
Qu'abem dab Jeanne d'Arc Lahire, lou Gascoun.

Ne soun pas morts lou bras e lou co de Lahire.
Mile d'auta balens que-s lheberén detire.
E se jamé calèbe acassa l'enemic,
Gascouns que truquerén coum hasè nouste Enric !

Cante de Gascougne chant

Aucune note. Soyez le premier à attribuer une note !

Ajouter un commentaire

Code incorrect ! Essayez à nouveau